QURAAN - E - MAJEED

·         

·          

o  

QURAAN-E-MAJEED

Assalamu alaikum va rehatullahi va barakatuhu

Nahmadhu hu va nusalli'ala rasoolihil kareem amma ba'ad

Rabbishrali sadri ya yassilrli amri vahlul ukhdatham mil lisani yakhfa'uuuu khouli

Rabbi zidni ilma ,Rabbi zidni ilma ,Rabbi zidni ilma

A'oodhu Billahi Minash Shaitaan Irrajeem

Bismillah Irrehman irrahim

Allah Ta'ala ne hum Insaanoun ki hidayat or rehnumaii ke liye bahut sare Ambiya akraam bheje , Rasool bheje, Nabi bheje...jinhone Allah Ta'ala ke ehkamaat aur shariyat ko hum insaanoun tak pahunchaya aur hamari rehnumai ki humme seedha rasta yane Allah Ta'ala ka rasta bataya humari hidayat ki humme gumrahi se bachaya.

Adam a.s se lekar hamare pyare Rasool , Rasool e Akraam Sallalahu Allaihi Wassallam tak bahut saare Ambiya akraam aae...Allah Ta'ala apne oosouloun ko, shariyatoun ko, apne ekhamat ko apne Rasooloun ko maujujoun ke tour ataa kiye or apne maqlooqat ki rehnumai ki... Aur wo maujujein hai Allah ki nazil ki hui kitabein...jo Allah ka kalaam hai..Jisko Allah Ta'ala hum insanoun tak apne Rasooloun ke zareiye humme ataa kiye ...

Waise to Allah ki nazil ki kitaabien to bahut saari hai lekin sirf Chaar kitaboun ka zikr aata hai... Wo Chaar kitaabein hai

1] Zubur :- Dawood A.S.

2]Tauraat :- Moosa A.S.

3] Injeel :- Isa A.S.

4] Quraan e Majeed :- Rasoolallah S.A.W

Quraan e Majeedmai khud in teenoun kitaboun ka zikr aata hai

1] Zuboor

Allah Ta'ala Quraan mai Zubur ke ta'alooq se surat un Nisa ayat no.163 mei farmaate hai "Hummne Dawood A.S ko zaboor ataa ki"

2] Tauraat

Allah Ta'ala Tauraat ke baare mai Quraan e Majeed mai Surat-ur- mayidha ki Ayaat no.44 mai kuch is tarah farmate hai ;"Beshaq humne najil ki tauraat."

yeh Tauraat Musa A.S ko Allah ne kohe Toor par taqtiqoun ki shaqal mai ataa ki gai...Allah Ta'ala ne Musa A.S ko Musa A.S. ko Tauraat dene ke liye kohe Toor par bulaya tha 40 raatoun ke liye.

3] Injeel ke talluqh se Allah Ta'ala Surat ur Mayidha ayat no. 46 mai farmate hai ;" Aur humne unhe [ yaane Isa A.S] ko Injeel ataa kiya.

Yeh teeno kitaabein ab unki asli shaqal mai maujood nahi hai.

4] Quraan e Majeed

Quraan Allah ka kalaam hai...Yeh Allah ke taraf se ata ki hui kitaab hai... yeh ummate Mohammadi ke liye Allah ke taraf se aata ki hui hidayat ki ,rehnumai ki hiqmat ki kitaab hai..Quraan mai Allah Ta'ala ne insaanoun ki rehnumaai or hidayaat ke tammam behtareen usool , ehkamaat , shariyat khol khol kar bayan kar diuya hai.

Allah ki rehmat ,hiqmat yeh bhi hai ki dusri taamaam kitaabein ek waqt ke baad mansuq ho gai kyu ki us daur ke logoun ne apne fayide ke liye un kitaaboun mai tafreeqe karna shuru kardiya. Lekin Quraan e Majeed ki zimmedari khud Allah ne le rakhi hai isliye 1444 saaloun mai abhi tak koi bhi ek hurf ka bhi tafreeqa nahi kar paae

QURAAN SABSE PEHLE KAHA THA

OR...

DUNIYA MEI KIS TARAH NAAZIL HUA

Surat tul burooj ki ayat no.21 aur 22 mai Allah Ta'ala farmate hai ki ," beshaq yeh quraan badi shaan wali hai, Quraan Lohe Mehfooz mai hai

Ek hadith mai aata hai Hazrath Abdul ibne Abbas R.Anhu se rivayath hai ki Rasool allah S A W farmaya ne ;" quraan sabse pehle lohe mehfooz mei tha . Waha se Ramdaan ke mahine mai pehlr assmaan par Baitul ijjah ke muqqam mei uttara gaya . Or waha se

biiznillah jibrail A.S thoda thoda wahi nazzil karte aap s.a.w par.

Allah Ta'ala Quran mei surat ul Qadr Ayat no. 1 mai farmate hai ; "Yaqeenan humne usko (Quran) ko Lailatul qadr mai nazil kiya.

Aur

Surat ul Baqrah mai Allah Taa'ala ayat no. 185 mai farmate hai ki ; " Ramdaan ka mahina wo hai jisme Quuraan naazil ki gai.

Aur

Surat ud Dhar mai Allah Ta'ala ayat no. 23 mai Allah Ta'ala farmate hai ; " Yaqeenan humne aap Quraan utara hai thoda thoda karke.

Quraan mai Juzz 30, Ruku 540, Ayat 6236, Kalimaat 77439, Hurf 340740, Sajde 14 hai

Puri Quran ko naazil hone mai 23 saal ka waqt laga.

Sabse badi surat surat ul Baqrah jisme 286 ayat hai aor sabse Chooti surah jisme 3 ayat hai

Quran mai kul 114 suratein hai jisme 86 Madani or 28 Mecci hai

Mecci surah wo hai jo Aap S.A.W ke hijrat se pehle naazil hui Aur Madani surah wo hai jo Aap S.A.W ke hijrat ke baad naazil hui thi

Tarteeb ke lihaaz se Quraan e Majeed ki sabse pehli surat surat ul Fatiha hai or sabse aakhri surat surat un Naas hai.

Quran ki sabse pehli ayat jo naazil hui wo hai Surah Alaq ki 96 " IQRA ' BISMI RABBIKA AL LADBI KHALAQA" jiska tarjuma haui ;" padh apney rab ke naam sey jiss ney paida kiya."

Aakhri ayat jo naazil hui wo Surah Baqrah ayat no. 281" Wattaqoo yawman turja'oona feehi ilal laahi summa tuwaffaa kullu nafsim maa kasabat wa hum laa yuzlamoon". jiska tarjuma hai "Aur daro us din se tum lautaye jaoge usme taraf Allah ke , phir poora poora diya us shaqs ko jo usne kamai ki aur wo nahi julm kiye jayenge

Quraan poori duniya ki sabse jyada padhi jane wali kitaab hai. Isme ek behtareen zindagi juzarne ke raaz quran ki taleem mai poshida hai.

Quraan ki ehmiyat is baat se bhi wajeh hai ki is mei jo shariyatein ataa ki gai hai wo har lihaaz se mukammal hai . Is se pehle aane wale tamaam Ambiya ki shariyatein mansookh kar di gai. Deen uosolloun ke shariyatoun ka majmua hota hai jiske ehkaamt ke binah par zindagi juzarne ka tareeqa bataya gaya hai. Quraan e Majeed mai har ma'ashre ke liye yaksaniyat or kaamil haisiyat rakta hai. Quraan e majeed wo baatein wazahat ke sath bayan kar di gai hai jinka janna insaanoun ke liye zaroori hai.

Quraan e Majeed mai batae hue ehkamat par amal karke hi Inasaan iss duniya aur Aakhirat ki kamyabi hasil kar sakta hai. Aur aakhirat ki kamyabiu hi sabse badi kamyabi hai

Allah Ta'ala humme Quraan ko padhne samjhne or uske ehkamat or shariyat per chalne ki taufique ata kare

Ameen Summ Ameem

Wa Aakhiru Dawana Alahamdullilahi Rabbi A'lameen

Assalamu Alaikum Wa Rehmutullahi Wa Barakatuhu